بقلم الشاعر والزجال رشيد شرقان

□ الغرام غير اوهام □

هذا شحال..

وملي كنت بوجادي

لاوحاتني مواجك

لعماق بحر غرامك

وماني نعرف  نْعُومْ

جرفتني جرة وادك

لخاتمٌ دوران هيامك

وماني نقد نقاوم 

يلا الحال علَ حالو يدوم

*     *       *      *       *

حياتي كان أمرها غريب

شي هايم ف دنياه

وانا كنت هايم ف الحب 

و ليعات الهيام

حرقني ب نار لظاه

شوا الكبدة شيان

ؤ زاد كمل ب لعظام

وقيلة غير غلط

تَلَّف لهيام  طريقو

وسلك طريقي عنوة

لهث وجف ريقو

وُغْفَى بعد الصحوى

واهيا الهيام

واش ما عييتي 

واهيا لوهام

علاش ما مليتي؟

ياك طلقتك هذي سنين

ثلاثات المرات..

وزدتك بعد العدة عدات

غير كون هاني

بضاض أنا مليتو

زممتو بمداد الروح توشويش مجروح 

وملي دماني طويت صفحاتو

لغرام من بالي محيتو

نظمتو عْلَ سطور دفاتر عقلي..

وملي عياني حرقت ورقاتو

كلامي هذا شحال سليتو

ما تلا يكَر فيا تلحليح..

ولا يغريني غزايلي بشوفاتو.

توقيع:

رشيد شرقان.