توقيع حسناء العجوري

والريشة تعشق الريح 

ديما معها اطير ...

والزين تولد من قبيح

الزين ف الطاووس مايقدر يطير ...

خطير ....خطير...خطير 

تعجن الخبز بخميرتو ارجع فطير

هادي ماشي قصة ولا اساطير

الناس عيات بالقوانين والمساطير

هذا زمان الكمامة والدوا بالتقطير

وشكون اداوي لحماق بالقناطر 

هذا زمان الغضبة فين اتباع الخواطر 

دارو فيها فهامة ماشفنا غير تبخير وتعطير  

فين هوما العلاما فين التأطير 

ياطير سلفني جناحك نطير ..

اولا ريشك بقا للتحناش والتسطير 

تعرى الوقت تفضح السر الخطير 

خطير ....خطير....خطير 

بقلم حسناء العجوري