بقلم الزجال والشاعر احمد حمادي لغدير
✍️ زجل ☕
كابوس ٱسمو الفلوس
.... ........
بحال كل ٱنهار
ٱحلمت بكابوس
ٱسمو الفلوس
تاه عقلي حار
و بالأوهام ٱتعلق
ٱسخن دمي فار
وٱصبحت ٱمقلق
تهت فساحة الحرب
نفتش و نبلّق
شفت الوقفة هزات القفة
أٱوقفات فراس الدرب
☕✍️🌿
بحال الـيوم بحال البارح
لعقل ديما سارح
ماشي سر ..ماشي حكمة
المعيشة كلها ٱمطارح
حر اللقمة وهم اللباس
نااار الكرٓى زايد الوسواس
وياما سلّكتْ ب ما فيها باس
راااك تمـة ..
زيد المرض.. الضو والمـا
وقلة الغطى فالبرد
🌿🤗✍️
وأنا فمنامي ...
جاني كابوس ٱسمو الفلوس
مانا فالشرق مانا فالغرب
ساهي فاهي ساير ٱنقلب
رزقي فين نقدر نلقاه
وفاش دزت حداه
ٱجبرتو مازال ٱملاهي
وبقات الوقفة ..
واقفة فراس الدرب
القفة فاليد
كاتنذب السعد
وما راضية تطلب
🌿☕
...✍️ أحمد لغدير
Commentaires
Enregistrer un commentaire