بقلم البلبل الصداح محمد نواوي
نثرية بعنوان( مولاتي)
القلب تسد من زمان،
ما بقی لغيرك، فيه مكان.
فِ هواك، طحتْ كيف العميان،
م درت حد ،م وْزِنْتو بميزان.
وقرَيْت الباء، نون.
حسبوني ،
هبيل ؤمجنون.
اش دْراهم،
بغرام العيون.
ؤ ذيك النون،
صْبحت بها مفتون.
نون النسوة ،
خلّاتني مشطون،
تلّفت الضمّة،
و معاها السكون.
ؤ ضاع راسي،
أنتِ لالتي،
نشوفك وردة مفتحة ،
على جميع الزهور.
يبان في وجهك،
طيف من النور.
عروشك بارزة في السما،
مسقية بالبور.
ثابتة فوق الارض ،
معمقة دايرة الجدور.
ريحة نسامك تشافي،
كل عليل ؤ مضرور.
بجنبك ينبت الخلف ،
وعليك يلف ويدور.
يحميك من كل دخيل ،
وانت اصل البذور.
قدّك و قوامك،
من البعد يلوح منظور.
ما نشوفك دفلة،
فوق الارض تفور.
تعشق تفتحها ،
روات ماء معكر غور.
انت مولاتي ،
اللي نحرر عليك سطور.
نتباهى بيك،
في كل مجمع وكل حضور.
حاضية صواري،
وانت شواري،
بيك نتغنى مسرور.
صاينة بيتي،
وشحال ربيتي ،
وبيك انا فخور.
نواوي محمد
المغرب
Commentaires
Enregistrer un commentaire