بقلم الزجال عبد الهادي ابو ياسر حنيف

قصيدة بعنوان

سقيت  كلامي 

سقيت كلامي

بمداد البوح

خرج معاني

من ڭلب مجروح

نكتبني  كلام

في اللوح

بقلم حزاني

شكات الروح

خاطر كلامي

تخلوض 

وسيفتو ما لها

لوان

بهات ريقها في

اللسان

أنا حرف

من ديك الكلمة

لي كتبها الخاطر

بمداد التنهيدة

أنا كلمة

من ديك لقصيدة 

لي زهرها غبر

انا قصيدة 

من داك البوح

لي خرج غوتة

نكتبني  بلقلم

نكتبني  سطر

و الدمعة 

لي نازلة تڭطر.

نكتبني  سطر

بمداد لوقت

لي مزال يعصر

عبدالهادي أبو ياسر حنيف