بقلم شاعر السهول احمد الناصري

...الزف مع النف.....

شي طغى وشي تلف

شي صاط عل لوطى

وشي طاح ف الجرف...

مابقى فيهم  مسعف

والجنان مول الغلة

من ثمرو ،هملوه وخرف...

كلشي ولى حبس كرف

الجودة خلات الشحيح

من الرحبة لصابتنا  يغرف...

بدا من حقنا يخطف

وحنا ولينا فيه نشوفو

وبقلوبنا شادين الصف....

الدقة جات قف قرقلف

والضرع من لحليب نشف

والبزولة ما بغات لينا تعطف...

كلامي ليهم تحت الدف

نوصيهم الثقل لي تيوزن

والكفة ما يهبطها  خف....

ربي على الدومة يخلف

والحشاش ما يدير مزية

ديما ينفض كف عل كف...

.....أحمد الناصري......