بقلم الشاعر عاشق البحر رشيد بيكة

شمس لغدر ما تشْرَق 

ما فاز حرَّاز بغرَام

وشْرِيف بالحَق ينْطق

ما يرُوم فحيَاتُو لحرام

المركب المثقوب يغرق

بالمواج  يعود حطام

الرَّاكبو قرصان يزْهَقْ 

بروحو ما عاش فسلام

غرامو للحرف ملَبَّقْ

للخدع و الغش رام

بلباس الغير مزوّق 

بلغتو جلدة بلا كٓدام

عند بالو مطور و نزق

فدواخلو شلا وهام

بصباع طوال يسرق

هكدا طبعو على دوام

ل حفرتو زايد يعمّق

بكفنو داير حزام

فين غادي ما مسوق

زايد مدرم بلا سلام

كسيبتو دجاج يبزق

ما عطا بيضة فالعام

جبهة وعيون مطرطق

شد لحمار ندخل زحام

بحرف الغير  ينعق

يزيد يبصم بلبهام

وقلب الغير يحرق

قرصان دليل لمقام

جاب الرّبحة و زلق

والدقة فراسو روام

مصيدة شاداه من العنق

حاصل بشمعتو فالظلام

يمكن يكون مبوّق

ولاَّ  زلْقَة فالحمام

تصاب فالعقل وتعوق

وصبح ملازم السقام 

تعلَّق فين يتفلق

ؤ ظهرو ما يقوا لطام

الشحط يصيبو و الدق

والعمود يهرّس العظام 

ياك للفن  تعشق

كون فحل شديد همام

بحث راك  تفُوُّق

وشمّر على لكمام

لا تمص الدم كِ البَقْ 

العَالَة على غير يتلام 

الحكمة والحروف رزق

من الكريم على الكرام

رشيـد بيــكٓة.