بقلم الاستاذ الشاعر عبد الرحيم العابد
/ مجذوبيااااااااااااااااات
----------------------------- (زجل)
الشمعة هازة سر موتها في افتيلة
و الانسان هاز الهم في قلبو اثقيل
امر الله في الخلق احكايم واضحة
كل سؤال جوابو باين من احروفو
يا ناس صليوا ركعوا من الله خافوا
راه زين الدنيا هاز علتو في جوفو
هم الدنيا علاش فالقلب سار ساكن
محمود من كان في دنياه كايهادن
حياة البارح واليوم سوايع معدودة
اغشيم من قال فالدنيا دايمة ايامو
يجمع وسخ الدنيا قبلو ناس راحوا
حب لولاد بلية رباوا الريش طاروا
علي وابني فالدنيا اتخلي الباب وارتاجو
سعدات فاعل الخير غدا اكتاب يحتاجو
السعد فضل من الله الى افتحنا بابو
الجهل كان نقمة من الله انطلبو غيابو
يا داخل لبحر ايعوم عنداك اتهيج امواجو
يا قاري اكتاب الريح ما ينفع الريح امجاجو
الزين في الدنيا زين الى كانت افعايلو اشريفة
والخايب فالدنيا زين الى كانت افعالو اظريفة
العابد عبد الرحيم:17/06/2020
ملهمتي الفقيه بن صالح.
Commentaires
Enregistrer un commentaire