بقلم الشاعر عبد الهادي ابو ياسر حنيف

نهار حليت عينيا

وسري بغا يبوح

شافيا شوفت لمضيوم

نهار بداني الزڭا

وخرج الغوت مبحوح

حقو مهضوم

نهار بغيت نڭول

لوقت لڭاني معاشر السكات

وتقادى ڭولاني

لساني ولى مشلول

ريقو شحف و حروفو تمحات

و خطوات الهم تبعاني

مال ڭولاني خاطرو خسر 

مال دوايتو ساحت

مال مدادو جف

علاش نفسو تنهزر

علاش فرحتو غابت

علاش زهرو تلف

واش بزز مني

 نرفد الهم 

و يطير نعاسي

واش بزز مني  

بحبل راشي نتحزم

و نبقى نقاسي

العين بالدموع كحلات

نازلة تڭطر 

و بالسكات سوكات

و حلمها  داب و تبخر

باش ينفع صياح

الا كانت لودن  صمكة

باش ينفع نواح

الا غابت الضحكة

عبدالهادي أبوياسر حنيف