بقلم الاستاذة الشاعرة عواطف لوكيلي
لا سماحة ليك يا الغفلة
لا سماحة ليك يا من ع9دتِ الوحلة.
يامن زيّنت الزيغة و ردّيتيها رجلة
لا سماحة لا عْفو لا سلام، راه سمّك تقلى
درتيها بيديك و لونت أيامنا البيضا كحله
زمان السيبه هذا؟ واش ولدات البغله؟
ديك الخادم ولدات سيدي ولاله.
اييه يا الصحة، بعد إيامك ما كنتِ فحلة
وليت غشيمة.. ذميمة، مسيّبة كيف البهيمة الع9له
عقلتِ على جراك بين الخيام كيف النحلة
تذكرت الأفراح والخزاين وتخريجة المكحلة.
جا زمان التحاسيب والذهب رجع رملة.
تعنيت زمان... ايوا مالك خلصي الوحلة.
عواطف لوكيلي
Commentaires
Enregistrer un commentaire