قلم صقر الحروف بوسبولة المحجوب

////////+++ يافران الحومة  +++////////

يافران   الحومة    وكنتي

انساوك    وفينا   تسنيتي

كان  الخبز عندك  يحضر

شميت  ريحتو فوق داك جمر

اصحابك  وكانوا صبارة

والطراح كلامو  بجهارة

 ربي العالي  كان ف عوانو

يافران  حومة   ف زمانو

واش غلات عليك لعويدات

ولى  ناسك اليوما  انسات

وا    فاش  كتفكر  وتعاود

ولى   خوات لك  كل لمزاود

بالي  الطرحة  زيد  فاقدها

ونقص  عويدات باش تلحقها

كان  لحطب رخيص وزاد غلى

ثكنولوجيا   زادت    شلى

ربي   العالي  عالم  بجروح

والشمعة  الباكية  وللي تنوح

//////+++ بقلم صقر الحروف الزجال بوسبولة المحجوب +++//////