بقلم الزجال المبتسم دوما محمد دومو

بقلم: محمد دومو

(زجل مغربي)

سلام النفاق!

واش كلمة صباح الخير

تحية تفرح مسمعنا؟

ولا ملزوم علينا بالصواب  

نردها فوجه الغير؟

صبحات فزمانا

كتگال غير بالموضة؟

وتبدلات نسمة حياتنا كثير

وضاعت القيم فخلاقنا

حتى السلام ذخلو النفاق

وتفقدات المعنى بناتنا 

راه السلام كلمة عند الله عظيمة

كترمز ل السلام و ديارت النية

هاكدا راباونا عليها الوالدين

واليوم كولشي ضاع فهاذ الزمان

ما بقات التيقة والقيم بناتنا

والحياة فقدت المعنى

هادا عندو المال ولا بن فلان

حياتو كلها تحية وسلام

والفقير حتى ردان التحية عليه

ولات فهاد الزمان حرام

كولشي تبدل.. وخياب فحياتنا

حتى السلام ذخلو الغش والنفاق 

ما بقى حد يسلم على خوه بلا طمع

اش هاد الزمان بناسو

مقصود كلامي ليكم يا عباد

قسحات قلوب الناس بزاف

والنفاق والا بناتهم قيمة

براكا علينا عيينا من الغش

يالاه نقصدو طريق الخير

راه الدنيا فايتا وفانية

ولي زرع قيمة مزيانة

غذا يحصدها بالحسنات

فيوم لحساب يا مجمع لعباد

بلا ما تنافق شد لجام فعالك مزيان

وعيش بالفعال الزينة الرزينة

لا تكون غذا هذاك الندمان