بقلم الزجال احمد حمادي لغدير

..⁦✍️⁩☕زجل 

      الحلقة فالزنقة

🤫🤫🤗☕

   بين كثرة لهموم 

       وقلة النوم  

      جاني زماني

   ف صيفة شيباني  

    ٱمسلهم ٱمبسم

     اللحية قبيحة

  ماسخة فالتسريحة 

   أنا نحلف .. وأنت

    گول الله وٱعلم 

   غير طلق اللسان

      وبدى لكلام  

     شميت ريـحة 

 صاحبنا  كايتهكم

🤗☕🌿

ف حياتك يا ولدي

غادي يقلال ٱبنادم

  العُربان .. رهط

    غادي ينعادم

       وعاااادي ..

      يتشفى فيه

    البادي والغادي

             كانشوفك

          قط بلا سنان 

          دايخ ٱمفاگم

          وعند أسيادك

     عايش عيشة الخادم

😀🌱☕🌿

      ف حياتك ياولدي

     الشبل ٱعكـل حابل 

    ٱطلع ماشي راجل

  ٱموحم فخيط ٱمخبل

         والدنيا خٓرااااب 

   الثراب توحش ٱلغراب

       وحتى من ٱلْبْصْلْ

             ٱحصل

       مريض و مجراب 

       ٱمخبع فالمحراب

  طالق ٱلبخور  ناسي ٱلقبور

          كايذبح الفرخ

             و .. يسلخ

      ..  الكرموس الهندي

     يفرس اللفت المحفور

    ويغمّس فالزيت البلدي

....☕☕

⁦✍️⁩ أحمد لغدير  🌿 راك تم