توقيع الأستاذة الشاعرة عواطف لوكيلي

يا كل فرحان فدروب المدينة

تطبل وتطوف  اعطاتك ليام

(هذا عيشور لا حكام علينا)

ذاك جوابك كل ما تتلام

لا راعيتي لجارتنا مينة

لي ولدها مشدود متهوم ببهتان

لا هزيت هم لعمك عوينة

واخا عرفتيه تصاب  بالسرطان

واش فخبارك بكوفيد تبلينا ؟

وداك الوبا مطوق المكان

الناس كنموت قدام عينينا

وانت تتفرقع القنبول.. فرحان؟

واكون تحشم ودخل هنينا

سيمانة حجر ويتهنا المكان..

          عواطف لوكيلي