توقيع الزجالة حسناء العجوري

.

نوض قول لا..لا..

بعد راسك ع البلا

سول قلبك ..سول عقلك

علاش درتي هاد الحالة

الادمان ادمر ...للبيت مايعمر

ياللي تقمر ...تضحك تتعالى

سير ..واجي ...وتعالى

وطفي عليك النار الشعالة 

شوف حالك مبلي ..وحدك مجلي

ادعي الله تعالى .

عنك مايخلي ..وعلاش تخلي 

عقلك يغلي ...والحالة قتالة 

يالنافخ تنفخ دخانك عمانا 

يالشارب  كاسك ديما عمرانا

وتنسى روحك هي عند الله امانة 

خلي صحتك ف الضمانة 

والصحة مادوم راها محتالة

نوض قول لا ..لا..

وابعد راسك ع البلا 

بقلم حسناء العجوري