بقلم الزجال عبد الهادي ابو ياسر حنيف

مْلِي لْخْدِيعَةَ 

خَوَاتْ اَلٌدْمْ اْلٌمَغْدُورْ

وْ طَاحْ اَلٌمَسْتُورْ

وْ مَكْنَّا دَايْرِينْ بِحْسَابُو

مْنْ دَاكْ اَلٌحَالْ اَلْمَڭْعُورْ

مْنْ دَاكْ اَلْكْلاَمْ لِبْقَى مَحْفُورْ

فِي لْڭْلْبْ بْنَى سَاسُو

لِي سَالْتْ إِيَّامُو

مْنْ دَاكْ اَلٌوَقْتْ اَلٌمَضْرُورْ

لِي عَانَى مْنْ تْخْمَامُو

مْنْ دَاكْ اَلٌحَرْفْ اَلٌمَحْڭُورْ

لِي دَابْ سْكَاتُو

مْنْ دَاكْ اَلْخَاطْرْ اَلٌمَقْهُورْ

اَلٌنَخْصَةَ سْكْنْتْ فِي دَاتُو

عبدالهادي أبوياسر حنيف