بقلم الزجال الادريسي محمد

قصيدة           (نجمة ف السما.....ء  ء)

         شفتك انا نجمة

           عالية ف السما ......ء

             على جنابها  قمر

               غار من ضوها لقليل 

                   صابتو ب لعمى......ا

                على ضو  لفجر

             كنت انا فيه حجرة 

         غارقة ف لما...........ء

       غارقة ما بين الصخر

     نتنفس ليل طويل

      فعيون ل بكمى........ا

         ندوق مراير لعمر

            ندوق حر لكمة

              كل صباح بها نفطر

                 بها نسى سر الحلمة

                 لي جنانها ربيع خضر 

                    شحال قدني  نصبر

                     على نص لقمة

                     باش عيشك انت يخمر 

                       ف أيام   تكٌدي

                          بالنار تحمى

                          من حر الجمر

                          طيب خبزك ع العين

                         الباكية  بسمة 

                        والخد دمو حمر

                      نازل يجري ب لحفى 

                    على طريق الحشمة 

                 ف جلايلو  يعتر 

             شافو ظروفك 

          عاصية مأزمة

       عطاوك بالضهر

       وظروف ايامهم 

         نجمة ف السما

            ما يشوفها غير

              الراكب  يخت و  بحر

                        

17     08     2020    

             الإدريسي محمد