بقلم الشاعر محمد ابو الحسن
الحب المثالى
كلمات:محمدأبوالحسن
************
لما حبيتك بقلبى
قبل ما تشوفك عيونى
رسمت لك صوره فى
خيالى
من وحى إلهامى
وفضولى
فيها كل شيء حبيته
فيك
زى طيبة قلبك وحنيتك
إللى شدتنى ليك
وحاجات كتير حبيتها
بقلبى وحسيتها فيك
وفضلت عايش
والصوره فى خيالى
وكأنها صورتك وانت
اللى بعتهالى
لحد ما اتقابلنا صدفه
فى ليله من الليالى
ولقيتك بتندهلى
وتقوللى
أنا جيت ياغالى
المفاجأه لجمتنى
وقلبى زادت دقاته
وبقى نبضه عالى
ولما قربت منك
ومليت عيونى منك
لقيت ملامحك هى هى
زى مارسمها خيالى
زى ما اكون رسمتهالك
وانت جنبى فى مكان
جميل وخالى
كل دا علشان حبيتك
بقلبى
ومقامك عندى غالى
والقلب اللى حبك
من غير مايشوف
ملامحك
لوغلطت يسامحك
ويداوى بإيده جرحك
هو دا الحب المثالى
محمدابوالحسن
Commentaires
Enregistrer un commentaire