بقلم الاستاذ عبد الرحيم العابد

/ لكلام ااااااااالمأثور

   -------------------------/(زجل)

                     

اركبنا لبحور اركبنا السما شدينا اااااطريق اصحاري

ما اجبرنا امان ف وجوه شيوخنا وجدناه فالدراري

واقرينا فاللوح اااااااالمحفوظ واحفظنا منو احزاب

اجبرنا الخير فالبراني اتعجبنا ماجبرناه عند لحباب

اوسولنا الطير ااااااااالعالي يا طير مالك امهاجر لوكار

جاوبنا انا اللي كنت نحسب جاري جار ارجع لي غذار

اقريت اااالامان فالصحبة واغفيت واااجبرتها كذابة

هاجرت غيرت لمكان طرحت بيضي في بلاد الصابة

قلنا ايكون خير لكن شي ااخمج شي راح مع كركابة

هذا حال الدنيا يا العايش فيها ااخضي راسك غرارة

اليوم تعطيك تفرح غدا تحش ركابيك تفقس المرارة

والزين صاحبو لا اتخلي حقك فيه و اتكون مشموت

وازرع االخير في اجنابك او كثر اعرف تابعاك الموت

حقك فالدنيا خوذيه و ارتع صلي صوم الاخرة افبالك

راه ايام الصغر اتدوز  تبكي عليها ترجع اتسول عكازك

اايجاوبك معكوف قد لوغتو مالك فين كنتي مع بالك

الى اعطاتك الدنيا لا تبني لا اتعلى قري اولادك  ايرحموك

الى اعطاتك بالضهر لا تحزن لا تكفر راه هم الدنيا متروك 

العابد عبد الرحيم:09/07/2020

ملهمتي الفقيه بن صالح