بقلم الشاعر الزجال محمد نواوي

اليأس

 م عرفت،

 اش نقدم ،اش ناخر.

كل شيء،

في كتاب زماني تبعثر.

صفحة البداية ،

عليهاالشمع تقطّر.

ودليل طريقي،

 من خيبتي موضّر.

قلّبت عل سعدي ،

بزوج خطوط ،

لقيتو مسطّر.

جمعت حروف زهري،

 لقيت مزور.

وصديقي اللي ليَ،

 عليَ تنكّر.

المفروض خويا،

 اللي يطوّل معاي قصّر.

اش نقدم اش ناخر،

راه فات الفوت،

 علاش نتحسر.

المحلوبة حليب،

 والدم عليَ تعصّر.

وراض عل المكتوب ،

اللي في الصحيفة محرّر.

.

محمد نواوي

المغرب