بقلم الزجال والشاعر احمد سواد
اللهم خبيز حرفي
ولا سمسار على شرفي
الحمد لله و وجهي مامخفي
وما بايع لا كرامتي ولا حروفي
و مناضل ب مالي ومن قلبي وجوفي
نيتي في النضال مصفي
شحال قدك تشعل العوافي
انا مامعول على حد غير كتافي
كل نهار و رزقو و ربي ما يحافي
ما عنديش ما خاصنيش وقلبي صافي
هاكا بغاتني ضروفي
عايش على قد مصروفي
ناكل قليل من الحلال يكفي
نشرب كاس اتاي هموم يطفي
و مخدم عقلي مع ليقول اختلافي
ونطلب من الله عز وجل لهم يشافي
اتمني لكم كل عام وانتم بالف خير و سعادة وطول العمر تحياتي لكم جميعا. Ahmed swad
Commentaires
Enregistrer un commentaire