قلم الشاعر والزجال رشيد شرقان

☆ شهقة ف عز الليل ☆

تغركَ فيه

ويهدم حُمَّارْها

ف عز الليل

خرجت مثل الطيف

تسرسبت خطواتها 

مثل خيوط كبات الحكاية

تنهدت الغصة ف جوف الفقصة

عكست شهقتها لمرايا

ف لمح لبصر خيالها ظهر..

لمع وسنا ك البرق

قمر ف سمايا شرق

زكلم الرعد على حد الجهد

الخاطر تزعزع ولعقل توضر

شافت فيا شوفة رجعت لصوابي

طار مني الخوف ملي تكلمت معايا

دخان كثير ف النوالة عجعج

نفر برد شديد جاي مهيج

كلع سواكط الدفة شتت وراق كتابي

طفا ضو الشمعةوظلامت النوالة

وخيالها تبخر غاب  كِيفما ظهر

وانا حيت بوهالي

كذبت حالي

وصدقت المشهد

مشيت ورا خطواتو 

حيت سحرني بكلامو

حيت رماني بسهم نظراتو

ليلو يِغْرَكَْ فيه

ويهدم حُمَّارو..

وريحو يجليه

يهزو هزة ويرميه

ف ذاك الربع الخالي

يلا كان بصح كاين،وبصح خالي

حقاش كواني..وسحروني ضحكاتو

حقاش طعنوني بالخناجر همساتو

وآه من ليعت غرامو وآه من آهاتو

توقيع:

رشيد شرقان. 

شرح:

يغرك فيه : يغرق فيه

حُمَّارها   : الحُمَّار هو عمود ترفع به الخيمة..