توقيع صقر الحروف بوسبولة المحجوب

////////+++علموني  ساداتي +++////////

بسم  الله  مولاي ف لساني /// هاني نصعد بالحب ونزيد

يكبر  شوقي  ليه  معاني  ///  نغرف   نشرب نعشق ونعيد

علموني  ساداتي  المخزون /// وانا  منكم  نعرف   ونفيد

ساعدوني  نوصل  للمكنون /// ولبر  ثاني  رباني  وعيد

قرب  الله  ساداتي  نقرب  ///  ياحبابي  ماني منو  بعيد

مولاي  خالقني وليه نهرب  /// هاني  مقرب  منكون عنيد

يانفس  طوعي   للباقي     ///  ماتركيني في  وهم  القيد

مولاي  الساكن اعماقي   ///   لعبادة   هاني  ماشي فريد

ياحبابي  لله    دلوني      ///  ماتخلوني  ف طريق شريد

بالله   عليكم   قربوني     ///  هاني  منكم  يكمل لي العيد

هادينا  خير لكل من بغاه  ///  ف سطور  القرءان ومن يريد

راه سيدي ومولاي  ربي الله /// سيدس  وحدو العالم  لوحيد

راجع لله   ماشي للغير ///    دقات  قلبي ليها      ترديد

مانياس   زادي راه كثير ///  في  لساني  شهادة داك  لمجيد

ف طريق الصوفية غادي /// نصغى  فسكون لمديح  ثغريد 

نعلى  الفوق هانا  ماعادي /// هذا  فضل  ربي حلم  فريد

صلي  ربي على  بوالزهرة /// قد  مافات  سيدي وجاي جديد

مول  القبة  ديك  الخضرة   /// وانت العالي والجود  لمديد

//////+++بقلم صقر الحروف الزجال بوسبولة المحجوب +++//////