توقسع الزجال رشيد بيگة

زجلية 

.............. ضربُو شي فاااااال..........

لا  تگولو رشيد هبال

ولا فعايلو فعايل الشّيطان

راني نضرب غير الفال 

ؤ نزيين السعد لي شيان

المسحور نفوسْخُو فالحَال

بخور من لهند ؤ باكستان

نشوف الماضي و المستقبال 

والمهجُور يصبح همّة وشان

ؤ انتَ على لخدمة تسال

لملوك يخدمو  حالك  يزيان

غير لا تبخل عليا  بالمال

راه لحاجة مقضية وكدان

ؤ انتِ زهرك معكس مع الرجال

قادر نجوجهك بشاروخان

النادِ يحضر يلبي السؤال...

و بين عجاج الجَّاوِي و صلبان

ضاع الدين و راس المال

والشيطان تقاعد ؤ خلفو الانسان

رشيد بيـݣة