بقلم الشاعر محمد اولباز

قصيدة زجلية بعنوان (سوق لغرام)

يالداخل سوق لغرام

نوصيك وصية 

رد بالك ...

الولف صعيب

الهوى قتال

سمية لمحبوب

الى غاب 

ديما فالبال ....

سوق لغرام

تبيع اوتشري فيه محال

سوق النسا ،سوق مطيار 

كن مصواب ،بعد من الاخطار 

يالداخل للسوق 

دير النية ،على مولاك توكل 

خدها بنت لحلال 

ربي اسهلك كل ما صعاب

ترضى بك ،على كل حال

ولو اكون عندك نص ريال 

همها تكون سيد رجال

قادر تحميها من العديان

توضعك تاج فوق راسها 

تصون حوشك 

الفرحة تعم لمكان ...

الشاعر والزجال (محمد اولباز) من المغرب.