توقيع الشاعر قاسم عاشر

وانا كالس مقابل لبحر

اشعاع الشمس خر

وسما تزينت باللون لحمر

رويسي تنفخ واعمر

تسألت وقلت وهيا لعمر

واش ليخث وكاس لخمر

ونغمات الكمانجة والطر

يقادو لمزاج وصفيو لخاطر 

جاوبت راسي بلا ما نفكر

المسألة ما خصها لا قلم ولا دفتر

علاش لا إلا كان الخير موفر

ضحك ونشط مع لحباب وتمختر

كلام الناس لا دي عليه راه يضر

مايكرهوش طيح ويرميوك بالحجر

والخاطر ما تبرد تيشفوك محنكر

مايرحموك وخا يكفنوك وهزوك لقبر

أما هذاك لكتكلم في الخوت بالشر

كشوف راسو مقهور وما عندو ازهر

طلبو ليه الهداية من الله واستر

قاسم عاشر