بقلم الشاعرة حسناء العجوري

من حق الكبدة تخاااف

ولمسة يديك يايما تشفي هواسي

والعين مايتقلوها دموعها ديما خفاف

وف حضنك يايما اطيب انعاسي

جربت نعيش ف لوهام ولخراف

بنيت احلام مغشوشة راب عليا ساسي

شدتني مصيدة الدنيا قيودها ماترخاف

وليت طير مقصوص جناح ف احباسي

من غيرك يايما وليت معطوب زحاف

لايدين لارجلين والهم تقل راسي

لوكان سمعت كلامك مايكون هاد الزعاف

نعيش على رضاك ونشفى من وسواسي

بقلم حسناء العجوري