توقيع الزجال خالد حدادي

ياعيوني

ياعيوني شحال قدك

على طول الليل سهرانة

حتى القلب مألم حزين

مابقات عندو گانة

ماشي الاولى نتي

لي هجرك لخليل

ياعيني وخلاك فگعانة

گاع الدنيا ولات

تبان ليك ظلام 

وحياتك غادة زربانة

ياعيوني فيقي

قبل مايفوتك الفوت

وترجعي ندمانة

واش هكذا غادة تبقاي

على الدوام تمر عليك

سنين واعوام

هانتي اليوم بديتي تذبالي

حسن ليك اللي نساك نسايه

الى ماكان اليوم

نعطيك سيمانة

ترجعي تشوفي القمر ونجومو

والقلب تزول همومو

ياعيوني وترجعي 

فرحانة

          /   بقلم /خالد حدادي/01/09/2020