بقلم الزجال المحجوب بوسبولة

////////+++طليت عليكم +++////////

طليت   عليكم    يافقرة

ياصحبتي  يااهل العالي

وقبابكم  ظاهرة لي جهرة

يادوك  ساكنين روحي وبالي

ياك  جيت  وانا   بالنية

من  حدرة  وصعدت  العقبة

ياللي   لي  مومو  عينية

ف مقامكم  حسيت  بمحبة

زايرين  فواج  وفواج  شلى

كل  وحالو   حرة   وسمرة

ذكر   الباري  عندك  يحلى

ياحفيد   مول   القبة  الخضرة

وانا   مجدوب    وبوهالي

مانا   صحيح   مانا  باري

ماشي   ديالي   وخثياري

والناس  مني  سامعين لكلام

مسجون  وحالي  ياك مرهون

والقادمين   يردو  سر  سلام

ويكون  ربي    ليا  ف  العون

حالي   هذا    ومنين  جاني

حالي   ماعارف ليه   والو

خادني  سكني  زاد كواني

والناس هذوا  ديما  يسالو

اسبابي من  مايعرف الله

عندو تفسر  كل حكاية

منهم ينصفني رب العالي

عندو ويبان سر  رواية

ياخد  حقي يرتاح بالي

////////+++بقلم  صقر الحروف الزجال بوسبولة  المحجوب  +++////////