بقلم الشاعر رشيد شرقان

¥  فخ التعليم  ¥

العطلة دازت و سالات 

المدرسة بوابها تحلات

أيام لعب تقاضات

توكضو مزيان يا لوليدات

سوايع لقراية جات 

ولمراجعة ثاني رجعات 

**       **        **      **

وخا التعليم حالو مبهدل

لا منحة ولا دعم ف لكتوبة 

حتى يبان صباط نعديو بنعل 

نشدو صف ونتسناو النوبة

شي ناس مازال ماصابو لحل 

وقالو مازال الميزانية معطوبة

عيينا بلكذوب وعيشة الدل

وشعارات لفخاخ لمنصوبة

عند المعقول كل شي تسل

وسدو عليهم بوابهم ب نوبة

**      **       **         **

يلا  لقينا حل المنحة ولكتيبات 

اش نديرو مع شي معلمين ومعلمات 

نعست عقولهم ما تلات صحات 

عطينها لتغياب ما يعلمو لوليدات

المدير ما يدوي تقول كيشد  رشاوي

تمشي تشكي عليه يدخل ويخليك داوي

حرام هاذ شي حرام

خليتو ولادنا بلا تعلام 

خرجتوهم من ظلام

 ودخلتوهم في الظلام

حرام هاذ شي حرام. 

بقلم: شرقان رشيد.

                 01/09/2019