بقلم الشاعر احمد حمادي لغدير

زجل ... مع أهل الزجل

    ومن أجل الزجل

🍒☕🌿

الزحام فالظلام و كثرت الكلام

    سوق الأوهام فالأحلام

    السيناريوهات والأفلام

     المهم كلشي داااااوي

🌿☕🌱

المضمون  عامر بحتى حاجة 

 الألقاب بالعُرّام و آراك ٱلفراجة 

  هذا مجذوب  هذا هدّاوي 

    ها لي قاريها بالمقلوب

       سارق زارْمْ لْگْجامْ

   ٱمْوهّم ٱمْصٓدّق الكذوب

     داير ديباجة بٱلْحرام

 على لسان ٱسيادو  راوي

   ☕🌱🌿

    انا نقول ... راك تم 

 وانت گول .. الله وٱعلم

      الفاهم يفهم

   صاحبك غير داوي  

   الداريجة  بلا فران 

 الحروف سايرة دٓرّٓاجٓة 

   بْزّااااافْ  ... دالألقاب

    عاشقة شي حاجة

  وشحااال من دجاجة

      قااااا  قاااااااات

وما بٓيْضْاتْ حتى حاااجة

🤫🤫🤫☕

        ٱسْكُتْ وٱفهم المعنى  

  راااه الصمت كافي و ٱمشبعنا 

   خلّي البيض عندك والدجاج

     شكون گا ليك أنا محتاج

          خلّي سلعتك  تمّٓاااا

    آ وااا غير خليها  تخماااج

... 🌿☕☕

          .... ...⁦✍️⁩أحمد لغدير