بقلم الزجال محمد دومو
بقلم: محمد دومو
غدرتي بيا ( زجل مغربي)
ملي شفتك، بغيتك بالنيا
وبلا ما نسول
عشقتك ليا
تخيلت بلي الدنيا
غادي تزيان
وتكون مهنية
واليوم علاش، غدرت بيا
وبلا ما تخمم
غير شويا
شكون بدلك، بدلك عليا
وبلا ما تراعي
العشرى شويا
انا مليت، من هذ الدنيا
وبلا ما نسول
عشت الدنيا
كنت مهني، من شر الكيا
بلا ما نفكر
غير شويا
ودأبا صافي، تفرق عليا
وبلا تحاول
سير عليا
بانت حقيقتك وخا تعيا
ما تشرح ليا
انت فيك الانانية
عش حياتك، و قلب عليا
وبلا ما تقرب
بعد عليا
انت غذار، وانا نية
وبلا ما تشرح
غبر عليا
كون تصنت، غير شويا
وبلا ما نخمم
تسرعت شويا
هاني مجروح، جرح الكيا
وبلا ما نداوي
نصبر شويا
Commentaires
Enregistrer un commentaire