بقلم الشاعر عبد الهادي ابو ياسر حنيف

شحال من سطر

قريتو في منامي

طلع عليه لفجر

وهيج تخمامي

فاض بحر

و خرجت سقامي

و نفسي بغات تهضر

و تفسر كلامي

بغات تكبر

وتطلق بوح لجامي

 لقات لعقل الموضر

بغات تعبر قياسي

بميزان الصبر

ما لقات فيه مايتجبر

 بغات تقرا كتابي

سطر سطر

تفسرو معاني

عالله يبان الزهر

يمكن نشوفو قدامي

يمكن غبر

يمكن داب مع سكاتي

يمكن طاح و عتر

يمكن فاض كلامي

يمكن شق لبحر

عبدالهادي أبو ياسر حنيف