توقيع الشاعر والزجال رشيد شرقان

☆  كلنا  زوار  ☆

في هاذ الدنيا الغرارة كلنا زايرين

نتا زاير ونا زاير كلنا زوار

كلنا من آدم عرب ويهود و عجم

علاش عبدتو الناس وتولدو أحرار

خلقنا الله من تراب ورجوعنا لا بد لتراب

كل المخلوقات من ما(ء) وتراب

والأرض ف الكون كوكب دوار

ماتسواشي الدنيا عند الله جناح بعوضة

علاش نزرعو العداوة ونتسبو بالفوضى

نتفرحو غير لدمار

كلنا زوار و لعمر رحلة قصيرة

طريقها محفوفة بالاخطار

ما قنعنا، وطمعنا في ما لينا

وطماع ما يعرف لا هنا لا استقرار

واه ياوا تعالى نوصيك

لكلامي صغى و رد البال

طريق الشر راه قصيرة

ودوامها من المحال

وطريق الخير طويلة

خطواتها كتخلي أثار

توقيع : رشيد شرقان