بقلم الشاغرة فتيحة مفتاح

لغريب

             ***

شفت غريب على خدود لعمر

الزمان بهدل حالو

غير مكيالو

مشات الزريبة

راحت لكسيبة

بقات طيبتو

ومعاها  ضحكة تبهر

كان ف عيشو زاهر

هبت ريح التفقير

ساست  نوار الخير

عرف  جنان إيامو عراه

ومعاه حتى حفاه

غاب  فراشو

هجرو  غطاه

آااه على ناس النخوه والفخر

ما  تخلخل  ما ضجر

شد ف إيمانو

ولبس ثوب الصبر

يبان  بين  الناس كبير

شايل  الصفا ولمحبة

لا يح  الضر  ف  بير

لا جرح ف عماقو

بالطيب يسير

لا نار تجر شواقو

مآمن بحكم القدير

راضي بوثاقو

رجاه ف مول الحكمة والنصر

فتيحة   22/7/2020